ОРОН НУТАГТ АМНЫ ХААЛТ ҮЙЛДВЭРЛЭЖ БАЙНА.

17.jpg

Шинэ коронавирусийн /COVID19/ халдварын болзошгүй эрсдлээс урьдчилан сэргийлэх, амны хаалтны эрэлт хэрэгцээ ихэссэнтэй холбогдуулан нөөц бүрдүүлэх зорилгоор Говьсүмбэр аймгийн Онцгой комиссоос орон нутагт үйл ажиллагаа явуулдаг оёдолын үйлдвэртэй хамтран ажиллах шийдвэр гаргасан.

Энэ чиглэлээр Сүмбэр,  Шивээговь суманд үйл ажиллагаа явуулж буй “Бүрэн урлан” ХХК-ний оёдол, сүлжмэлийн үйлдвэр, “Боржигин гоёл” оёдолын цехийн үйл ажиллагаа, ажлын явцтай Онцгой байдлын газрын дарга, хурандаа Ж.Дамдинсүрэн танилцлаа.  

“Бүрэн урлан” ХХК-ний оёдол,  сүлжмэлийн үйлдвэр өдөрт 1000 ширхэг, “Боржигин гоёл” оёдолын цехид 200 ширхэг амны хаалтыг үйлдвэрлэн нийтийн үйлчилгээтэй эмийн сангуудад нийлүүлж байна.

Говьсүмбэрчүүд та бүгдийг амны хаалтыг тогтмол, зөв хэрэглэж халдварын эрсдэлээс урьдчилан сэргийлэхийг уриалж байна.

scroll to top